Համացանցում հայտնված 425 դրամով ճամպրուկ գնելու հայտարարությունները կեղծ են

Արդեն մի քանի օր է, ինչ ֆեյսբուքյան տիրույթի տարբեր կայքէջերով կեղծ տեղեկատվություն է տարածվում՝ «Զվարթնոց» օդանավակայանի, «Հայ փոստի» և այլ կազմակերպությունների կողմից կորած ճամպրուկներ վաճառելու վերաբերյալ։ Գովազդային գրառումներում մի ճամպրուկի գինը նշվում է 425 դրամով։ 

Էջերի զննությունից պարզ դարձավ, որ դրանք բոլորը ստեղծվել են նույն օրը՝ 2024 թվականի սեպտեմբերի 4-ին։  Ստեղծված կայքէջերը մեկ նմանություն ևս ունեին․ հրապարակումների տակ իբրև թե ճամպրուկներ գնած էջերի տերերը օտարերկրացիներ են: