Շոկոլադի արտադրամասի արտադրական գործունեության կասեցումը վերացվել է

Անհատ ձեռնարկատեր Մկրտիչ Մկրտչյանին պատկանող շոկոլադե կոնֆետների արտադրամասում («LEE CHOCOLATE») վերացվել են խախտումները։ Այս մասին հայտնում են ՀՀ սննդամթերքի անվտանգության տեսչական մարմնից։

Տեսչական մարմնի ղեկավարի որոշմամբ՝ արտադրամասի արտադրական գործունեության կասեցումը վերացվել է:

Արտադրամասի արտադրական գործունեությունը կասեցվել էր սույն թվականի հունիսի 24-ին, քանի որ արտադրական գործընթացներն այստեղ իրականացվում էին սննդամթերքի հիգիենային ներկայացվող սահմանված պահանջների խախտմամբ։