Օլիմպիական խաղերի վազորդուհին ընտանեկան բռնության զոհ է դարձել
Օլիմպիական խաղերի վազորդուհին ընտանեկան բռնության զոհ է դարձել
Փարիզի օլիմպիական խաղերին անցյալ ամիս մասնակցած մարաթոնյան վազորդուհին ընտանեկան բռնության զոհ է դարձել։
Ռեբեկա Չեպտեգեյը մահացել է մարմնի 75% այրվածքներ ստանալուց հետո։
Նրա վրա հարձակվել է իր ընկերը, ում հետ հողատարածքի հետ կապված որոշ անհամաձայնություններ են եղել։ Նա՝ Դիքսոն Նդիման, բենզինով ներխուժել է տուն ու այրել աղջկան։ Արդյունքում տղան ևս այրվել է։ Այժմ նա բուժվում Էլդորետ քաղաքի հիվանդանոցում։
Ուգանդայի աթլետիկայի ֆեդերացիան X-ում հաստատել է տեղի ունեցածը․
«Խորը վշտով հայտնում ենք, որ այսօր վաղ առավոտյան մահացել է մեր մարզուհի Ռեբեկա Չեպտեգեյը, ով ողբերգականորեն զոհ դարձավ ընտանեկան բռնության։ Մենք դատապարտում ենք նման արարքները և արդարության կոչ ենք անում։ Թող խաղաղվի նրա հոգին»։
33-ամյա Չեպտեգեյը մահացել է օրգան համակարգերի ընդհանուր աշխատանքի անբավարարությունից։
Անահիտ Ամիրխանյան (կամավոր թղթակից)