Բասկետբոլի Հայաստանի Մ20 հավաքականը հաղթեց Մոլդովային

Հայաստանի բասկետբոլի Մ20 հավաքականը Եվրոպայի առաջնության B դիվիզիոնում հաղթեց Մոլդովային։

Ռումինիայի Պիտեստի քաղաքում ընթացող Եվրոպայի առաջնության B դիվիզիոնում Հայաստանի բասկետբոլի Մ20 հավաքականը 81։71 հաշվով առավելության հասավ Մոլդովայի տարեկիցների նկատմամբ։

Հայաստանի հավաքականը, որը 4 խաղում հաղթանակ չէր տոնել, առաջին հաղթանակը տարավ։ Հայաստանի ընտրանու կազմում ամենաարդյունավետը Յուրա Մելիքյանն էր, ով վաստակել էր 26 միավոր: Նա նաև 14 անգամ տիրել է օղակից անդրադարձող գնդակին և կատարել 1 արդյունավետ փոխանցում:

Հայաստանի հավաքականը հուլիսի 20-ին՝ ժամը 12։00-ին, կմրցի Ալբանիայի դեմ։