Թանգարանների կառավարման նոր մոդել․ ինչո՞ւ և ինչպե՞ս
Թանգարանների կառավարման նոր մոդել․ ինչո՞ւ և ինչպե՞ս
ԿԳՄՍ նախարարի տեղակալ Ալֆրեդ Քոչարյանը նախարարության ենթակայությամբ գործող թանգարանների տնօրենների հետ քննարկել է թանգարանների կառավարման նոր մոդելի ներդրման և զարգացման հնարավորությունները:
Նոր մոդելը առաջարկում է ստեղծել Թանգարանների կառավարման հիմնադրամ, որը կիրականացնի թանգարանների կառավարման և առաջխաղացման մի շարք գործառույթներ:
Նախարարի տեղակալն ընդգծել է թանգարանների տնօրենների ներգրավվածության և վերջիններիս կողմից առաջարկների ներկայացման կարևորությունը՝ ներկայացնելով ծրագրային առանձնահատկությունները, որոնք կբարձրացնեն թանգարանների կառավարման արդյունավետությունը։
Քոչարյանի խոսքով՝ կառավարման նոր մոդելը հնարավորություն կտա վարել ֆինանսական և անձնակազմի ներգրավման ճկուն քաղաքականություն, որն էլ կխթանի թանգարանների գիտակրթական գործունեության զարգացումը։
Թանգարանների կառավարման նոր մոդելի ներդրման ծրագիրը ներառվել է ՀՀ մշակույթի պահպանության և զարգացման 2023-2027 թթ. ռազմավարության նախագծում:
Նախագիծը արդյունավետ իրականացնելու նպատակով նախատեսվում են քննարկումներ և առաջարկներ շահագրգիռ կողմերի հետ:
Մարինե Զոհրաբյան (կամավոր թղթակից)