Հայաստանի պետական ջազ նվագախմբի միջազգային համերգային շրջագայությունը՝ նվիրված Ազնավուրի 100-ամյակին

«Սեպտեմբերի 10-ից կմեկնարկի Հայաստանի պետական ջազ նվագախմբի միջազգային համերգային շրջագայությունը, որը նվիրված է Շառլ Ազնավուրի 100-ամյակին»,-հայտարարել է ԿԳՄՍ նախարարությունը։

Նվագախումբը սեպտեմբերին համերգ կունենա Բրյուսելում, Լյուքսեմբուրգում և Հունգարիայում, հոկտեմբերին՝ Աֆրիկայում և ԱՄԷ-ում, դեկտեմբերին՝ Հարավային Ամերիկայում։

Ծրագիրն իրականացվում է ՀՀ ԿԳՄՍ և ԱԳ նախարարությունների աջակցությամբ՝ «Շառլ Ազնավուր-100» միջոցառումների շրջանակում։

Այս տարի նաև նշվում է հայ կինոռեժիսոր Սերգեյ Փարաջանովի 100-ամյակը։ Անցյալ տարի Փարաջանովի և Ազնավուրի ծննդյան 100-ամյա հոբելյաններն ընդգրկվել են ՅՈՒՆԵՍԿՕ-ի` Հռչակավոր մարդկանց և կարևոր իրադարձությունների հոբելյանների 2024-2025թթ. օրացույցում