Հայաստանը կարող է դառնալ կարևոր հանգույց Հնդկաստանի համար

Հնդկաստանի համար չափազանց կարևոր է Իրանի և Հայաստանի մասնակցությամբ տրանսպորտային երթուղու մշակումը, որը երկիրը կապելու է Վրաստանի և Սև ծովի ավազանի հետ, ասել է Observer Research Foundation-ի նախագահ Սամիր Սարանը։ (ORF), «Երևանյան երկխոսություն» ֆորումում։

«Այս տրանսպորտային միջանցքը չափազանց կարևոր է, և դրա դերը միայն կաճի»,- ավելացրել է նա։ 

Սարանը Հարավային Կովկասի տարածաշրջանը համարում է Հյուսիսի և Հարավի, Արևմուտքի և Արևելքի երկրներին կապող կարևոր օղակ։ Այս առումով նա չի բացառում, որ Հայաստանը կարող է դառնալ հենց այն հանգույցը, որով կանցկացվեն տրանսպորտային ուղիներ։

Observer Research Foundation-ը Հնդկաստանում գործող համաշխարհային վերլուծական կենտրոն է։ 

Հիշեցնենք, որ այդ երթուղով նախատեսվում է Պարսից ծոցի երկրներից ու Հնդկաստանից բեռնափոխադրումներ իրականացնել դեպի ԵՄ և ԵԱՏՄ։ Այսպես բեռները հնդկական «Մումբայ» նավահանգստից կարող են առաքվել «Չաբահար» նավահանգիստ (Իրանի հարավ-արևելք), այնուհետև ցամաքային ճանապարհով` Հայաստան (կա՛մ ավտոմոբիլային ճանապարհով, կա՛մ երկաթուղով), այնուհետև Վրաստան, այնտեղից՝ Բուլղարիայի կամ Հունաստանի նավահանգիստներ կամ Ռուսաստան (ծովային նավահանգիստների կամ Վերին Լարսի անցակետով)։

Հայաստանով անցնող ճանապարհը կարևոր է Իրանի և Հնդկաստանի համար, որոնք ձգտում են դիվերսիֆիկացնել իրենց ապրանքների մատակարարումները։